Në Greqi shifrat për 24 orët e fundit me rastet e reja dhe viktimat nga covid 19 janë sërish në ulje. Sipas raportimit zyrtar këtë të enjte janë regjistruar 55 humbje jete dhe 873 raste të reja me covid 19, ndërsa në spitale 476 pacientë janë të intubuar. Rajonet e Atikës, ku ndodhet edhe kryeqyteti Athina, dhe ai Selanikut kanë rastet e reja më të shumta, përkatësisht nga 301 dhe 111. Pavarësisht uljes së rasteve të reja dhe viktimave, në prag të festive të fundvitit specialistët dhe qeveria kanë bërë thirrje për kujdes. Qeveria ka kërkuar që në festime në një tryezë familjare të mos mblidhen më shumë se dy familje me maksimumi 9 persona në total. Po kështu gjatë festive do të vazhdojë të jetë në fuqi ora policore nga ora 10 e mbrëmjes deri në 5 të mëngjesit. Masat kufizuese nga qeveria greke janë të forta, madje per here te pare ne Greqi jane ndaluar femijet te shkojne ne shtepite e lagjeve dhe te afermve per te kenduar kenget e Krishlindjeve dhe vitit te ri ne prag te festave, nje traditë shumë e vjetër kjo në shtetin fqinj.