Pavarësisht deklaratave në përgjigje të përpjekjeve amerikane për një paqe mes Rusisë e Ukrainës, duket se Putin ka të tjera plane. Kjo del në horizont nga projektligji I fundit I paraqitur në parlamentin rus, ku kërkohet tërheqja e Moskës zyrtare nga Konventa Evropiane për Parandalimin e Torturës. Agjencia ruse e lajmeve raportoi lajmin duke cituar një bazë të dhënash parlamentare, ndërsa iu referua mohimit të Konventës Evropiane nga Moska. Konventa Evropiane për Parandalimin e Torturës dhe Trajtimit ose Ndëshkimit Çnjerëzor ose Poshtërues është një instrument ligjor ndërkombëtar që nuk vepron në mënyrën klasike të një procedure gjyqësore, siç është rasti me Konventën Evropiane për të Drejtat e Njeriut, por prezanton një mekanizëm parandalues. Kjo konventë u miratua në vitin 1987 nga Këshilli i Evropës dhe hyri në fuqi dy vjet më vonë, në vitin 1989.