Norvegjia po përgatitet të shkojë drejt zgjedhjeve të përgjithshme dhe diskutimi më i nxehtë politik është nëse duhet ulur apo hequr taksa mbi pasurinë. Ky debat mund të jetë përcaktues për fituesin e garës elektorale. Nga njëra ana kjo taksë konsiderohet si gurthemeli për sistemin prograsiv tatimor dhe se ka ndihmuar në vendosjen e barazisë dhe ekuilibrit social. Por, ‘The Guardian’ raporton se sipërmarrësit kërkojnë heqjen e kësaj takse dhe janë duke financuar fushata lobimi dhe duke derdhur para në formë donacioni për politikën. Slogani i tyre është: “Mos ejani në Norvegji, do t'ju taksojmë derisa të varfëroheni, dhe kur të mos keni më asgjë, do t'ju taksojmë pak më shumë” Udhëheqësja e Partisë Socialiste të Majtë ka krijuar një listë të zezë në zyrën e saj ku shfaqen emrat e atyre që kundërshtojnë ose shmangin taksën.