Gazeta greke “Kathimerini” I ka kushtuar një artikull rivierës shqiptare si një destinacon tërheqës dhe me çmime të përballueshme për turistët, duke ndarë për lexuesit e saj dhe eksperiencat e truristëve nga Greqia në Shqipëri. “Një vend që pak vite më parë ishte terra incognita po e zbulojnë mijëra grekë, të cilët zgjedhin Shqipërinë për pushimet e tyre. Tashmë askush nuk e mendon Shqipërinë si një vend misterioz e të mbyllur, ku shkojnë vetëm udhëtarët e guximshëm, por si një destinacion tërheqës që ofron pushime cilësore dhe ekonomikisht të përballueshme për çdo shije.”, shkruan gazeta e cila thotë se gjatë vitit 2024, plot 700 mijë grekë mbërritën në shqipëri sipas të dhënave të zyrës së çështjeve ekonomike dhe tregtare. “Edhe pse në këtë shifër përfshihen ata që e përdorin Shqipërinë si vendkalim për të udhëtuar drejt vendeve të tjera të Ballkanit Perëndimor dhe jo vetëm ata që e zgjedhin si destinacionin kryesor, është një numër që do të konsiderohej i paimagjinueshëm deri para pak vitesh.”, thekson gazeta ndërsa nxjerr në pah ndërtimet dhe qiellgërvishtëset në Trianë. “Ata që kanë bërë pushime në Shqipëri flasin për një vend me bregdet të bukur dhe të organizuar, hotele të shkëlqyera që ofrojnë shërbimet dhe komoditetet me të cilat janë mësuar nga pushimet në Greqi dhe restorante për çdo shije. Flasin gjithashtu për mikpritjen e banorëve shqiptarë dhe për “ethet” ndërtimore në Tiranë dhe qytete të tjera, që tregojnë se vendi po modernizohet me ritme të shpejta, por edhe për gjëra që i çuditën. Në pak fjalë, besojnë se Shqipëria është një vend që ia vlen ta vizitosh”, vijon artikulli Mihalis Tsakiris ka vizituar dy herë Shqipërinë. I pëlqeu “Riviera Shqiptare”, por më shumë e lanë mbresa qytetet dhe sidomos Tirana. Siç thotë ai për Kathimerinin «në mendjen tonë Shqipëria ekziston siç ishte vite më parë, por nuk ka asnjë lidhje me pamjen e sotme të saj». Po ashtu një vëmendje kanë marrë dhe plazhet e durrësit që turistët grekë I krahasojnë me ato të Halkidikit përsa i përket zhvillimit. Në artikull përmendet edhe Himara e Saranda por pakënaqis për grekët nglet pages e shelongëve, ndonëse ata thonë se do të ritkhehen në Shqipëri sërish. Ndërkohë sarandën ata e krahasijnë me Mykonosin.