Një kriminel shqiptar i ekstraduar nga Britania e Madhe vetëm pak muaj më parë, për të kryer dënimin me burg për vjedhje në shqipëri, raportohet se ëhstë kthyer në vend. Bëhet fjalë për Aleksandër Vishaj, 32 vjec, i cili sipas mediave britanike ka postuar foto të tijat në londër. Një gjykatë britanike e dërgoi atë në gjermani, në prill, por ai bëri vetëm tre muaj burg atje para se të deportohej drejt shqipërisë. Zyrtarët e policisë thonë se duket sikur kufijtë e britanisë kanë më shumë vrima nga sa mendohet. “Fakti që ai është rikthyer ngre pikëpyetjen si ka mundur ai të hyjë në britani duke patur parasysh historinë e mëparshme. “A ka kaluar Kanalin anglez me gomone apo ka përdorur dokumenta fallse? Sigurisht që nuk ka mundur të marrë një vizë për të ardhur këtu?” thonë ata duke shtuar se ky është një rast shqetësues që provon se sa shumë vrima kanë kufijtë e britanisë. Ekspertët thonë se qeveria britanike duhet të marrë kontrollin e plotë të kufijve dhe ta mbajë publikun të sigurt nga kriminelët dhe terroristët. “Ne kemi mjaftueshëm kriminelë dhe nuk kemi nevojë për të tjerë”. Sidoqoftë, ministria e brendshme në britani, nuk ka bërë ende asnjë koment për rastin...