“Bosët e Ndrangheta-s përdornin koka delfinësh të ngordhur për të kërcënuar informatorë të mundshëm”, u tha në një nga gjyqet më të mëdha të mafias në Itali. Në skena që kujtonin filmin ikonik të 1972 ‘Padrinoja’, në atë që Jack Ëoltz zgjohet për të gjetur kokën e prerë të kalit të tij të preferuar në krevatm klani sicilian po ashtu hidhte qenë apo dhi të ngordhura në prag të dyerve të shtëpisë së armiqve të tij. Anëtarë të grupit të fuqishëm kriminal po ahstu akuzohen se mbanin armë në kishëzat e varrezave, i jepnin ryshfete gjykatësve dhe fallsifikonin certifikata mjekësore për të ndihmuar vrasësit të arratiseshin nga burgu. Gangsterët janë në gjykim për një pafunësi krimesh, mes të cilëve pesë vrasje. Në njërin rast ata kishin vrarë një anëtar gay të klanit për shkak të seksualitetit të tij dhe trupin e kishin mbuluar me cimento. Dhjetëra anëtarë të ‘Ndranghetës kanë dalë në procesin më të madh ndaj mafias në tre dekada, nën akuza për gjithcka, që nga frikësimi e deri tek blerja e votave, nga trafiku i drogës e deri tek vrasjet. Më herët këtë muaj, 70 anëtarë janë burgosur për më shumë se 20 vite në fazën e parë të gjykimit masiv, me 355 të tjerë që do të gjykohen në vijim në procesin që do të zgjasë dy ose më shumë vite.