Në një rrugë fshati që banorët vendas e kanë quajtur rruga e flamingove, Stavros Kalpakis, endet përgjatë agios mamas, një lagunë në greqinë lindore, duke parë në horizont me dylbi. Ambjentalisti vesh cizmet e tij të llastikut dhe zhytet në ujë deri në gju. Kur kthehet disa momente më vonë, mban në dorë një flamingo rozë të ngordhur, një prej dhjetra flamingove që mund të shihen në zonë në këtë gjendje javët e fundit, të vrarë nga helmimi me plumb. Rreth 50 zogj të tillë kanë ngordhur deri më tani në lagunën e vogël në gadishullin verior Halkidiki, rreth 580 km në veri të athinës – thotë Kalpakis. Nga disa dhjetëra flamingo që u morën nga ambjentalistët për kujdes mjekësor, asnjë nuk mundi të shpëtohej.