Gjermania i bëri thirrje Turqisë që t’iu japë fund “provokimeve” në Detin Mesdhe, pas vendimit të Ankarasë për të dërguar atje anijen kërkimorë Oruc Reis. “Ankaraja duhet t’iu japë fund provokimeve, nëse është e interesuar për bisedime”, deklaroi ministri i Jashtëm gjerman, Heiko Maas, vendi i të cilit mban presidencën aktuale të Bashkimit Europian. “Nëse gazi turk vërtet duhet të eksplorohet në zonat më të diskutueshme të Mesdheut lindor, kjo do të thoshte një hap i madh prapa në përpjekjet për shtensionimin e situatës. Ne I bëjmë thirrje Turqisë të mos e mbyllë dritaren e porsahapur të dialogut me greqinë”. Ankaraja njoftoi një ditë më parë se po rikthen anijen kërkimore Oruc Reis në Mesdheun lindor. Anija ka shkaktuar tensione me Greqinë dhe Qipron, si dhe manovra rivale detare në muajin gusht, ku ka kërkuar për depozita nafte dhe gazi në Mesdhe. Muajin e kaluar ajo u tërhoq, por tani po shkakton tensione serish. Mosmarrëveshjet për të drejtat e kërkimit në det të hapur bënë që Greqia të kërkojë nga Bashkimi Europian sanksione kundër Turqisë.