Kremlini tha të hënën se regjistrimi i bisedave telefonike të ushtarakëve gjermanë, tregon se forcat e armatosura të këtij vendi po diskutonin planet për të kryer një sulm mbi territor rus dhe vuri në pyetje faktin nëse kancelari Olaf Scholz, është në kontrollin e situatës. Media ruse, javën e kaluar, publikoi një video regjistrim të asaj që tha se ishte një bisedë mes zyrtarëve të lartë të ushtrisë gjermane, të cilët diskutonin për armët për ikrainën dhe për sulmin e mundshëm nga ana e kievit mbi një urë në krime, e kjo shtyu zyrtarët rusë të kërkojnë shpjegime. “Regjistrimi tregon se brenda Bundesverit po diskutohen konkretisht plane për të kryer sulme mbi territorin rus. Kjo nuk kërkon asnjë interpretim ligjor. Gjithcka është mëse e dukshme”, tha zëdhënësi i kremlinit Dmitry Peskov. “Ne duhet të zbulojmë tani nëse bundesveri po e bën këtë me iniciativën e tij. Cështja është: sa i kontrollueshëm është Bundesveri dhe sa kontroll ka Scholz mbi situatën...apo është pjesë e politikës qeveritare të gjermanisë”, tha Peskov. Sipas tij, të dyja këto skenare janë shumë të këqia. Dhe edhe një herë tjetër provojnë përfshirjen direkte të vendeve perëndimore në luftë. Gjermania është mes vendeve të natos që kanë furnizuar ukrainën me armë, përfshirë edhe tanke. Rusia akuzon atë që e quan Perëndimi Kolektiv se po përdor ukrainën për ti shpallur luftë vetë asaj. NATO në anën tjetër thotë se po ndihmon kievin për të mbrojtur veten përballë një pushtuesi.