1226 raste të reja koronavirusi janë regjistruar në Gjermani në 24 orë, sipas të dhënave të Institutit Robert Koch. Ministri gjerman i Shëndetësisë, Jens Spahn ka shprehur shqetësim për rritje të numrit të të infektuarve me koronavirus në këtë vend, dhe ka bërë thirrje për zbatim të distancimit fizik dhe rregullave të higjienës. Spahn tha se shpërthimet, si të vogla, ashtu edhe të mëdha, janë duke u raportuar në të gjitha rajonet. Ai shtoi se rritja e numrit të të infektuarve ka ardhur pas kthimit të njerëzve nga pushimet, por edhe për shkak të organizimeve familjare.