Shefi i stafit të kancelares gjermane, Angela Merkel, deklaroi se vaksinimi kundër koronavirusit në Gjermani pritet të nisë në ditët e para të vitit të ardhshëm. Autoritetet e Bashkimit Europian llogaritet që deri në 29 dhjetor të marrin vendimin për miratimin e vaksinës së parë për përdorim dhe Gjermania është duke I përgatitur tashmë qendrat e vaksinimit. Shefi i stafit të Merkelit, Helge Braun, i cili edhe vetë është mjek, tha për gazetën Bild se është i gatshëm t’i ndihmojë autoritetet mjekësore. Braun u shpreh se ai dhe kancelarja Merkel do të vaksinohen “kur t’iu vijë radha”. Që prej nisjes se izolimit, shifrat e infektimit në Gjermani janë stabilizuar, edhe pse mbeten ne një nivel të lartë. Ghatë 24 orëve të fundit, autoritetet shëndetësore raportuan për 12.332 raste të reja me koronavirus. Masat kufizuese, të tilla si mbyllja e restoranteve, bareve dhe objekteve sportive, pritet të zgjasin të paktën deri në 10 janar. Braun tha se duhen kufizime më të rrepta “sidomos në vatrat” e shpërthimit të koronavirusit.