6600 bimë kanabis u gjetën nga shërbimet policore në tre njësi administrative të qarkut Shkodër, për pasojë dy persona u vendosën në pranga. Në njësinë Kelmend, u gjetën dhe u asgjësuan përmes djegies 1726 bimë dhe 1000 fidanë të dyshuar kanabis sativa. Policia vuri në pranga dy kushërinjtë Angjelin dhe Kujtim Ripaj banues në Njësinë Administrative Kastrat, nën dyshimin se kanë kryer veprën penale “Kultivimi i bimëve narkotike”. Shërbimet e policisë afër banesës së Kujtim Ripaj gjetën edhe një lidhje të paligjshme të energjisë elektrike. 2713 bimë narkotike u gjetën në territorin e njësive administrative Gur i Zi dhe Postribë, ndërsa 2592 të tjera në njësisë administrative Shllak, të cilat po ashtu u asgjësuan. Policia thotë se 3 kryetarë të fshatrave Ura e Shtrenjtë, Vilz dhe Domen po hetohen në gjendje të lirë për shpërdorim detyre, teksa vijon puna për identifikimin, kapjen dhe vënien para përgjegjësisë penale të autorëve të kultivimit të bimëve narkotike.