Presidenti i Parlamentit Evropian, David Sassoli, u nda nga jeta në moshën 65 vjecare. Ai ishte anëtar i Aleancës Progresive të Socialistëve dhe Demokratëve të qendrës së majtë, grupimi i dytë më i madh në parlament. Ai ka qenë anëtar i Parlamentit të BE-së prej vitit 2009.Mandati i tij zgjati dy vite e gjysmë, për shkak të problemeve shëndetësore. Në shenjë solidariteti në mes të një pandemie, ai vuri në dispozicion zyrat e braktisura të PE-së në Strasburg dhe Bruksel në dispozicion të organizatave që përgatitnin ushqime për familjet në nevojë dhe dha dritën jeshile për ngritjen e qendrave të testimit për koronavirusin. Ai arriti të mposhte leuceminë por, shëndeti i tij ishte thembra e Akilit. I lindur më 1956 në Toskana, David Sassoli studioi për gazetari. Imazhi i Davide Sassolit nuk do të ishte i panjohur edhe për shqiptarët, që ndiqnin lajmet e Rai-t, televizioni shtetëror italian. Ai ishte folësi kryesor i edicionit të lajmeve qendrore te Raiuno. Një gazetar profesionist që nga viti 1986, te Rai mbërrin fillimisht në Tg3 ku merret me lajme dhe mbi të gjitha politikë, më pas kalon në Rai 2 dhe në fund në Rai 1, ku drejton edicionin e lajmeve të orës 20.00. Ishte zv. drejtor i Tg1 nga 2006 deri në 2009. Në këtë kohë, vendosi të bëhej pjesë e politikës, kur ish-kryetari i bashkisë së Romës, Ëalter Veltroni, organizoi bashkimin e dy partive të qendrës së majtë, një plan i mbështetur nga David Sassoli dhe lindi Partia Demokratike. Ai kandidoi në zgjedhjet evropiane dhe u zgjodh 400 mijë vota, sukses që e largoi përgjithmonë nga ekrani i vogël dhe shënoi fillimin e karrierës së tij politike në Parlamentin Europian. Ai mundi tre kandidatë të tjerë për këtë rol dhe në një fjalim pas fitores së tij ai bëri thirrje që BE-ja t’i kthehet shpirtit të etërve të saj themelues që këmbyen luftën dhe nacionalizmin për paqen dhe barazinë.