Në shumë vende të Evropës, gazi i lëngshëm është i ndaluar. Por tani BE-ja dëshiron të zëvendësojë gazin rus me gaz të lëngshëm nga SHBA. Por kjo mund të ketë pasoja të rënda për klimën. Presidenti amerikan Joe Biden dhe presidentja e Komisionit të BE-së Ursula von der Leyen e njoftuan këtë masë për të reduktuar varësinë e Bashkimit Evropian nga energjia ruse. Këtë vit, në brigjet e Evropës, do të mbërrijë një shtesë prej 15 miliardë metra kub gazi natyror të lëngshëm, i nxjerrë kryesisht nga platformat që në Shtetet e Bashkuara të Amerikës janë shtuar shumë. Kjo, sipas DË, është vetëm rreth një e treta e gazit që vetëm Gjermania do të marrë nga Rusia në vitin 2022. Por aktivistët janë të shqetësuar se zëvendësimi i gazit të Rusisë me gazin e lëngshëm të Amerikës do të rrezikojë më shumë objektivat klimatike sesa do të garantojë sigurinë energjetike të Evropës.