Bota e futbollit qan Franz Beckenbauer që u nda nga jeta në moshën 78 vjecare. Legjenda gjermane e futbollit ka lënë gjurmë të forta në këtë sport me klasin edhe talentin e tij duke lënë si pasuri kujtime të pashlyeshme për të gjithë ata që kanë punuar më te. Federata, klube, trajnerë e shumë aktorë të tjerë të këtij sporti nuk ngurruan të japin mesazhet e tyre të ngushëllimit duke shfaqur trishtimin për humbjen e kësaj legjende dhe një ptrej tyre ishte dhe Federata shqiptare e futbollit. ‘ Franz Beckenbauer, një legjendë, një ikonë e futbollit gjerman dhe atij botëror, është ndarë ditën e sotme nga jeta.Bota e futbollit ka humbur një personalitet të madh, kampion bote si lojtar e trajner, fitues i Champions League dhe Topit të Artë-lexohet në postimin e qeverisë së futbollit shqiptar. Beckenbauer mes trofeve të fituar në karrierë ka edhe 3 Kupa Kampionesh radhazi me bayernin e Mynihut që padyshim nuk ngurroi të shfaq dhimbjen e tij. ‘Bota e Bayernit nuk është më si dikur, papritur u bë më e errët, më e heshtur, më e varfër. Skuadra gjermane më fituese qan Franz Beckenbayer, i vetmi ‘Perandor’ pa të cilin Bayerni nuk do të ishte klubi që është sot. U prehsh në paqe-lexohet në komunikatën e Bayernit. Ndaj lajmit të trishtë reagoi edhe presidenti i FIFA, Gianni Infantino që nëpërmjet një postimi në Instagram deshi të kujtojë Kaiserin e futbollit gjerman dhe atij botëror. ‘Franz beckenbauer ishte një legjendë e futbollit gjerman dhe botëror. Sukseset e tij do të mbeten të paharruara dhe pavarësisht të gjithë popullaritetit, Kaiseri mbeti i përulur dhe me këmbë në tokë. Mendimet e mia shkojnë për familjen, miqtë e tij dhe Federatën gjermane të futbollit. Ngushëllimet e mia më të ndjera për ta-theksohet ndër të tjerat në postimin e Infantinos. Edhe UEFA shprehu dhimbjen e saj për humbjen e Beckenbauer nëpërmjet rrjeteve sociale. ‘Franz beckenbauer, një prej bijëve më të mëdhenj të futbollit evropian, u nda nga jeta në moshën 78 vjecare. Kaiseri ishte një futbollist i jashtëzakonshëm, një trajner i suksesshëm, një ekspert i famshëm, ka ndikuar në futbollin gjerman si askush tjetër-theksonte UEFA në postimin e saj. Dha mesazhin e tij të ngushëllimit edhe Pep Guardiola që dikur ka drejtuar Bayernin e Mynihut. ‘Ishte një nder për mua të ndaja momentet e bukura te Bayern. U prehsh në paqe, Kaiser-shkruante Guardiola në rrjetin social X. Ndërsa trajneri i përfaqësueses gjermane, Julian Nagelsmann dha mesazhin e tij në nder të Beckenbauer në një komunikatë në faqen zyrtare të Federatës gjermane të futbollit. ‘për mua Franz Beckenbauer ka qenë futbollisti më i mirë në historjnë gjermane-ishin fjalët e Nagelsmann-interpretimi i tij i rolit të liberos ndryshoi sportin tonë, ky rol dhe miqësia me futbollin e kanë bërë atë njeri të lirë. Kur Beckenbauer hynte në një dhomë, ajo ndricohej, e fitonte me të drejtë titullim ‘figura e shndritshme e futbollit gjerman’