Një vit më parë, nisi fushata e vaksinimit që i dha një drejtim të ri luftës kundër koronavirusit, me një sfidë organizative me përmasa historike që rezultoi thelbësore në rrjedhën e pandemisë. 27 dhjetori i 2020 ka hyrë në histori si V-Day, me evropën që nisi fushatën më të madhe të vaksinimit në histori. Më 21 dhjetor 2020, EMA miratoi vaksinën e Pfizer dhe Biontech. Italia, ishte vendi i parë evropian i goditur nga pandemia. Fillimisht rezervat e vaksinave ishin të kufizuara dhe fushata nisi e pabalancuar. Furnizimet ishin të ngadalta dhe problemet të shumta. Ndërkohë që u ndezën edhe polemikat mbi projektin e Bashkimit Evropian. Por sidoqoftë, procesi vazhdoi dhe mes mbështetësve e skepktikëve të vaksinave, numri i personave të imunizuar në evropë erdhi në rritje. Tani, shumë vende, i kanë bërë vaksinat të detyrueshme për kategori të caktuara apo edhe për të gjithë popullatën. Sidoqoftë, problemi i furnizimeve duket se është hedhur pas krahëve, me sfidën e vetme që vjen nga variantet e reja të koronavirusit, që mund të evitojnë edhe mbrojtjen që sigurojnë vaksinat. E kjo, mbetet sfida e vazhdueshme e prodhuesve të vaksinës, që me shfaqjen e një varianti të ri, nga alfa, delta, omega e tani edhe omicron, duhet të rishohin edhe formulat e tyre.