Policia në qipro arrestoi një burrë me thikë gjatë kontrolleve të sigurisë në një stadium të hapur ku papa francesku po mbante një meshë të premten, por autoritetet thanë se incidenti dukej se nuk kishte lidhje me praninë e atit të shenjtë në ishull. Dy burime sigurie thanë se thika ishte gjetur gjatë një kontrolli sigurie për mijëra personat që kërkonin të hynin në stadium mëngjesin e të premtes. Autoritetet morën masa strikte dhe ata që donin të ndiqnin meshën duhej të paraqiteshin në stadium orë më herët. “Pas një hetimi, duket se incidenti nuk ka lidhje me vizitën e papës pasi personi nuk kishte qëllim të bënte asgjë”, tha një burim ndërsa një zyrtar i dytë nënvizoi se thika, mendohet se ishte për përdorim personal. Më herët një zyrtar policie tha se burri që u ndalua ishte një 43 vjecar me origjinë të huaj. Papa Francesku ëhstë në një vizitë tre ditore në Qipro dhe gjatë meshës së të premtes bëri apel për shërimin e ishullit të ndarë.