Shkencëtarët në britaninë e madhe thonë se fëmijët ka më shumë gjasa të preken nga varianti i ri i koronavirusit, krahasuar me llojet e tij të mëparshëm, por nuk ka asnjë provë se forma e re e virusit është më vdekjeprurëse. Epidemiologu Neil Ferguson, nga Kolegji mbretëror të Londrës tha se duket se fëmijët janë më të ndjeshëm ndaj variantit të ri. Kjo hipotezë, megjithatë, nuk është provuar ende. Ferguson shprehet se numri i të infektuarve me variantin e ri të koronavirusit është shumë më i lartë mes fëmijëve nën 15-vjeç, krahasuar me numrin e njerëzve të infektuar me lloje të tjera të SARS-CoV-2 në të njëjtën grup-moshë, por ai nuk dha shifra të sakta. Sipas tij, varianti i ri i virusit i quajtur B.1.1.7, i cili u shfaq gjatë semestrit të parë shkollor, është më efikas në infektimin e fëmijëve sesa format e mëparshme të SARS-CoV-2. Ferguson madje thotë se provat sugjerojnë që me siguri virusi ka prekur tashmë pjesën më të madhe, nëse jo të gjithë, të vendeve evropiane. Shkencëtarët besojnë se virusi i ri është deri në 70 për qind më infektues, por ata nuk besojnë se është më vdekjeprurës dhe as nuk shkakton forma më të rënda të sëmundjes te fëmijët dhe të rriturit. Deri më tani, fëmijët janë prekur më pak nga koronavirusi se sa të rriturit. Kjo, ndoshta për shkak se fëmijët kanë shumë më pak receptorë ACE2 përmes të cilëve koronavirusi hyn në qelizat njerëzore. Ëendy Barkley nga Kolegji Mbretëror i Londrës pohon se të rriturit janë një objektiv më i lehtë për koronavirusin në krahasim me fëmijët. Sipas saj lloji i ri i virusit infekton më shumë fëmijë, jo sepse ata janë objektivi i tij, por sepse tani është më pak i frenuar. Pamjet: AFP