Vendet në të gjithë botën janë në ethe dhe po vendosin ndalime udhëtimesh dhe kufizime të tjera për vendet e afrikës jugore në një përpjekje për të vënë nën kontroll një variant të ri koronavirusi të quajtur Omicron. Lëvizja vjen pasi variantit të ri iu vendos zyrtarisht një emër nga OBSH. Të dhënat e para sugjerojnë se Omicron ka një rrezik të shtuar riinfektimi. Ndërkohë me qindra pasagjerë që mbërritën në amsterdam nga afrika e jugut po testohen për variantin e ri. Rreth 61 persona në dy fluturime të KLM rezultuan pozitivë dhe janë karantinuar në një hotel afër aeroportit ndërsa po i nënshtrohen testeve të tjera. Holanda aktualisht po përballet me një rekord rastesh të reja. Një izolim i pjesshëm ka hyrë në fuqi që nga mbrëmja e të dielës. Varianti i ri Omicron u raportua së pari në organizatën botërore të shëndetësisë nga afrika e jugut më 24 nëntor. Ai është identifikuar edhe në Botsvana, Belgjikë, Hong Kong dhe Izrael. Raste të tjera të dyshuara janë raportuar në gjermani dhe republikën ceke të shtunën.