Tre emigrantë kanë humbur jetën dhe një tjetër është lënduar rëndë pasi një tren i goditi ata në francën jug perëndimore. Një zyrtar lokal dhe policia thanë se emigrantët ishin shtrirë mbi shina kur u goditën në një qytezë bregdetare pranë Biarritz-it, mëngjesin e të martës. Një hetim ka nisur tashmë por rrethanat e incidentit mbeten të paqarta. Kryebashkiaku i rajonit tha se zona ishte një trajektore e njohur tranziti për emigrantët. Ai tha se emigrantët kishin qenë duke fjetur ose ishin shtrirë në shina. Policia po përpiqet tani ti identifikojë viktimat. Duke cituar një burim policor, gazeta the Parizien tha se të gjithë ishin shtetas algjerianë. Emigranti që i mbijetoi incidentit kishte një këmbë të thyer dhe është dërguar në spital – thanë prokurorët për agjencinë e lajmeve AFP. Mediat franceze thanë se incidenti ndodhi pak para orës 6 të mëngjesit, rreth 500 metra larg nga stacioni i trenit në Saint Zhan de Luz, një qytezë bregdetare në zonën baske të francës, afër kufirit me spanjën. Treni ishte drejtuar për në Bordo.