Franca nisi stërvitjen e saj të parë ushtarake në hapësirë me qëllimin të vlerësojë aftësinë e vet për të mbrojtur satelitët dhe pajisjet e tjera nga një sulm I mundshëm. Këto manovra janë praktikisht "test stresi i sistemeve tona", tha Michel Friedling, kreu i Komandës Hapësinore të porsakrijuar franceze, duke shtuar se ato janë të parat e këtij lloji në Europë. Stërvitja është koduar me emrin "AsterX", një homazh ky për satelitin e parë që vendi vendosi në kozmos në 1965. Ajo bazohet në 18 evente të simuluara në një dhomë operative. “Krijohen disa situata krize apo kërcënimesh ndaj infrastrukturës tonë hapësinore, dhe shihet reagimi, sesa I përshtatshëm është ai”, sqaroi Friedling. Gjatë manovrave, ushtria franceze monitoron një object potencialisht të rrezikshëm atje lart, si dhe kërcënimet ndaj satelitëve të saj nga një fuqi e huaj. Skenari mbi të cilën bazohen është ai I një krize mes një shteti me kapacitete hapësinore dhe një tjetri që ka një marrëveshje asistence ushtarake me Francën. Për këtë arsye, në stërvitjen franceze do të ftohen të marrin pjesë edhe forca hapësinore amerikane e agjensitë gjermane të hapësirës.