Alitalia ka nisur fluturimet e përditshme pa kovid mes romës dhe milanos, që do të transportojnë vetëm pasagjerë që rezultojnë negativë për covid 19. Pasagjerët duhet të kryejnë një test të sekrecioneve hundore para se të ngjiten në avion ose të paraqesin një certifikatë të një testi të kryer brenda 72 orësh nga fluturimi. Aeroporti i Fiumicinos në romë dhe ai Linate në Milano, do të ofrojnë kështu teste të shpejta të covid 19 për pasagjerët që zgjedhin fluturime të caktuara mes dy qyteteve dhe testimi ka nisur të mërkurën. Testet e shpejta ofrojnë rezultat në vetëm gjysmë ore. Skema eksperimentale do të prekë dy nga shtatë fluturimet e përditshme të alitalias mes dy qyteteve, nga 16 shtatori deri në 16 tetor, në një përpjekje për të rilancuar industrinë e aviacionit që është goditur jo pak nga kriza e koronavirusit. Fiumicino ofron prej kohësh testin e shpejtë për pasagjerët që mbërrijnë nga kroacia, greqia, malta dhe spanja, dhe autoritetet e aeroportit nuk kanë përjashtuar mundësinë e zgjerimit të testeve edhe për pasagjerët nga destinacione të tjera. Lajmi koincidon edhe me një vlerësim të rëndësishëm ndërkombëtar të Fiumicinos, që u vlerësua me pesë yje për reagimin efikas ndaj krizës së covid 19.