Kievi duhet të heq dorë nga një pjesë e territoreve të tij, Kështu thuhet në draft-propoziminn e ri të hartuar nga Shetetet e Bashkuara që synon të ndalë luftën në Ukrainë. Në propozimin e hartuar nga amerikanët thuhet po ashtu se Ukraina dihe ttë reduktojë forcat e armatosura dhe të pranojë që të mos marrë më ndihmë nga ushtria amerikane, që ka qenë dhe një nga forcat kontribuese më të mëdha në luftën e Kievit kundër Moskës. Për më tepër, asnjë forcë e huaj nuk do të lejohet në tokën ukrainase dhe Kievi nuk do të marrë më armë me rreze të gjatë veprimi. Propozimet e këtij drafti të hartuar, që u përshkruan në detaje nga The Fnancial Times dhe Reuters, përputhen kryesisht me kërkesat që Rusia ka bërë që nga fillimi i këtij viti, kur presidenti amerikan, Donald Trump, nisi përpjekjet për negociata të drejtpërdrejta me Moskën lidhur me luftën në Ukrainë. Një burim, që ka njohuri për këtë çështje, i tha Shërbimit ukrainas të Radios Evropa e Lirë se “nuk e di nëse ky është plani [i të dërguarit amerikan Steve] Ëitkoff, apo ndonjë plan tjetër”. Me këtë veprim SHBA po detyron Zelensky të pajtohet për një kornizë që përfshin disa pika sikurse dorëzimi i territoreve dhe njohja e tyre si ruse, zvogëlimi i forcave të mbrojtjes dhe disa pika tjera të favorshme për presidentin rus, Vladimir Putin.