Presidenti ukrainas Volodymyr Zelensky ka konfirmuar se do të bisedojë me Donald Trump për një draft-marrëveshje paqeje të përgatitur nga zyrtarë amerikanë dhe rusë, e cila kërkon lëshime të dhimbshme nga Ukraina. Dokumenti parashikon dorëzimin e disa territoreve në Donbas, reduktim të ushtrisë ukrainase dhe ndalimin e armëve me rreze të gjatë veprimi, kushte që shumë opozitarë, por edhe aleatë të presidentit në Kiev i kanë cilësuar “të papranueshme”. Drafti iu dorëzua Kievit nga sekretari amerikan i ushtrisë, Dan Driscoll, një shok fëmijërie i Trump, i cili pritet të udhëtojë edhe në Moskë për ta paraqitur atë tek Kremlini. Shtëpia e Bardhë po shtyn për një proces të shpejtë negociatash, ndërsa Trump kërkon një marrëveshje “sa më shpejt të jetë e mundur”. Zyrtarët ukrainas paralajmërojnë se propozimi ngjan me kërkesat e Rusisë në fillim të luftës dhe do të cenonte pavarësinë e vendit. Ata e quajnë planin një “provokim” të hartuar për të krijuar përçarje dhe për të dobësuar pozicionin e Kievit.