Në fjalimin e fundit si president në Asamblenë e Përgjithshme të Kombeve të Bashkuara, Joe Biden tha se Shtetet e Bashkuara nuk duhet të tërhiqen nga bota dhe të veprojnë të vetëm, në një kohë kurë Izraeli dhe Hezbollah janë në prag të një lufte në shkallë të gjerë në Liban, ndërsa vijojnë luftimet dhe në Gaza. Ai kërkoi qe t’i jepet fund luftës në Lindjen e Mesme ndërsa nuk la pas dore as Ukrainën, ku kërkoi që të vijojë mbështetja në drejtim të Kievit “E di që shumë e shohin botën sot dhe shohin vështirësi e reagojnë me dëshpërim, por unë nuk veproj kështu. Jemi më të fortë sesa mendojmë kur bota vepron së bashku”, tha Biden. Ai foli dhe për largimin e trupave nga Afganistani duke e cilësuar si një vendim të vështirë por sipas tij ishte i duhuri. “Lufta në shkallë të plotë [në Lindjen e Mesme] nuk është në interesin e askujt”, tha Biden, dhe tha se pavarësisht përshkallëzimit të dhunës, zgjidhja paqësore është rruga e vetme drejt paqes.