Një ëndërr është ndërprerë në momentin më të bukur të mundshëm për një banore të moshuar të napolit. Pasi fitoi 500 mijë euro me një biletë Gërvisht e Fito, shkoi në dyqanin kur kishte blerë biletën për të tërhequr cmimin. Por, gruaja e moshuar pa që ti rrëmbehej bileta nga shitësi që më pas u arratis me vrap. Episodi u denoncua tek karabinierët të cilët menjëherë u vunë në kërkim të shitësit grabitës. Ndërsa për biletën fituese u kërkua menjëherë bllokimi i saj. Sipas rrëfimit të gruas tek karabinierët, ajo ia kishte dorëzuar biletën Gërvisht dhe Fito një punonjësi që kishte konfirmuar fitoren përmes një mekanizmi elektronik. Për një konfirmim përfundimtar ajo ia kishte treguar atë edhe shitësit të dyqanit ku e kishte blerë, i cili e kishte futur menjëherë në xhep dhe ishte larguar me një skuter.