Top News- Figura të NATO e BE në mbrojtje të Thaçit/Dëshmitë që do ndryshojnë fatin e gjyqit në Hagë

Ish-presidenti i Kosovës Hashim Thaçi duket se ka përgatitur një mbrojtje të hekurt në gjyqin për akuzat për krime lufte që po zhvillohet në Dhomat e Specializuara në Hagë. Në mbrojtje të ish drejtuesit të luftës kundër serbisë pritet të dëshmojnë figura të njohura ndërkombëtare të cilat kanë punuar ndër vite në mbrojtje të sovranitetit të Kosovës. Avokati i ish-presidentit Hashim Thaçi, Gregory Kehoe, në një letër të dërguar Kryeprokurorit të Hagës, Jack Smith, shpjegon se në listën e dëshmitarëve të mbrojtjes janë edhe tetë ish-diplomatë, figura ushtarake të NATO, të OSBE-së, UNMIK e misione të tjera të cila kanë qenë në Kosovë gjatë kohës së luftës.