Të paktën një zjarrfikës është lënduar ndërsa shërbimet e emergjencave janë angazhuar të vënë nën kontroll një zjarr që shpërtheu të dielën në rrëzë të malit të famshëm të Cape Toën, Table Mountain. Flakët kanë shkatërruar tashmë një restorant si edhe statujën e ikonës britanike të kolonializmit Cecil Rhodes. Ndërsa era e fortë ushqente flakët, qindra studentë të universitetit të Cape Toënit, u detyruan të braktisnin konviktet në këmbë ndërsa flakët përfshinë bibliotekën. Zyrtarët konfirmuan se të paktën një zjarrfikës po kurohej në spital për lëndime. Shtëpi private dhe struktura historike si mulliri i erës Mostert Hill janë dëmtuar po ashtu nga flakët. Parku kombëtar Table Mountain, që shtrihet përgjatë zonës së pandërtuar të qytetit, ka bërë apele në mediat sociale që të evitohet zona. Helikopterët i janë bashkuar zjarrfikësve në përpjekjet për të shuar flakët duke hedhur ujë nga lart, mbi ferrin në tokë.