Abonimet në Netflix u rritën në tre mujorin e tretë të 2021 ndërkohë që shout në gjuhë të ndryshme nga anglishtja vazhduan të transmetoheshin dhe të rezultonin si performuesit më të mirë të platformës. Kompania amerikane shtoi 4.4 milionë përdorues në vetëm tre muajt deri më 30 shtator, dy herë më shumë se në tre mujorin paraprak. Seria televizive koreano, Squid Game, ishte hiti më i madh, i ndjekur nga 142 milionë abonentë në katër javët e para të tij. Kjo vjen ndërkohë që një pjesë e stafit të Netflix, planifikojnë një grevë në mesin e polemikave në lidhje me komedianin Dave Chappelle. Ata akuzojnë yllin se ka ofenduar personat transgjinorë në specialen më të fundit të tij në Netfliks por kompania e ka mbrojtur atë. Performanca e fortë e Netflix, pason një start jo të kënaqshëm në 2021 kur kërkesa në rritje për transmetime streaming që u pa më herët gjatë izolimeve, u zbeh. Platforma më e madhe streaming në botë, pret tani të shtojë rreth 8.5 milionë abonentë të rinj në tremujorin e katërt. E rritja vjen nga shou popullorë si Sex Education, Queen's Gambit dhe Squid Game, që po shokon globin. Kjo e fundit tregon historinë e një grupi njerëzish të detyruar të luajnë lojëra vdekjeprurëse fëmijësh për para dhe është bërë një sensacion viral duke rrëzuar nga froni dramën Bridgerton që ka qenë edhe shou më popullor i Netflix deri më sot. Sipas Bloomberg, drama koreane i sjell gjigandit të streamungut 900 milionë dollarë ndërkohë që ka kushtuar 21.4 milionë dollarë. Një tjetër shou në gjuhë jo angleze, la casa de papel, po ashtu ka rezultuar e suksesshme, me serinë e pestë që është ndjekur nga 69 milionë shikues në katër javët e para të saj.