Rrjeti gjigand social Facebook ka reduktuar numrin e shërbimeve që ofron në Europë në aplikacionet Messenger dhe Instagram, për t’u siguruar se po vepron në përputhje me rregullat e reja të privatësisë. Nga 21 dhjetori, aplikacionet për mesazhe do të preken nga rregullorja e e Bashkimit Europian. Facebook ka njoftuar se disa mundësi interaktive, si anketat në grupe mesazhesh në Messenger, do të jenë në mesin e opsioneve në të cilat nuk do te ketë më akses. Facebook tha se ende nuk e ka publikuar listën e të gjitha mundësive që do të pezullohen në Europë sepse ato do të riaktivizohen shpejt, sapo të jenë në përputhje me rregulloren europiane. Mundësitë bazike të kthimit të mesazheve dhe thirrjet do të vazhdojnë të jenë funksionale si në Instagram, ashtu edhe në Facebook. Opsionet që duhen rikrijuar do të çaktivizohen në kontinentin e vjetër në disa faza, ndaj disa persona do të mund t’i përdorin ato edhe për disa ditë.