Vitin e ardhshëm do të zhvillohet kampionati Evropian i U21 dhe Shqipëria është një prej vendeve organizatore të këtij kompeticioni shumë të rëndësishëm. Në kuadër të këtij kompeticioni, Federata Shqiptare e Futbollit ka nisur punimet në ‘Air Albania Stadium’ Ndërhyrja në këtë impiant parashikon përmirësimin e bazës së fushës dhe vendosjen e një tapeti të ri me bar hibrid sipas standardeve të kërkuara nga UEFA. Punimet në ‘Air Albania Stadium’ do të kryhen sipas një plani të parashikuar në mënyrë që të jetë gati për të pritur ndeshjet e Euro U21, që përbën një moment historik për futbollin shqiptar dhe një mundësi e artë për promovimin e vendit në arenën ndërkombëtare. Pikërisht, për këtë arsye po vijon puna që të plotësohen të gjitha kërkesat organizative dhe infrastrukturore që janë vendosur nga qeveria e futbollit evropian.