Liderët italianë dhe francezë, Mario Draghi dhe Emmanuel Macron, do të nënshkruajnë një marrëveshje javën e ardhshme në përpjekje për të ndryshuar balancën e pushtetit në evropë pas largimit të kancelares gjermane Angela Merkel. Detajet e marrëveshjes mbeten të panjohura, por zyrtarë italianë thanë se ajo do të rrisë bashkëpunimin mes vendeve në fusha si ekonomia, tregtia, turizmi dhe kultura. Projekti u ideua që në 2018-ën, nën ish kryeministrin italian Paolo Gentiloni, por marrëdhëniet mes Romës dhe Parisit u përkeqësuan pasi Gentiloni u pasua në post nga qeveria populiste e Legës së veriut dhe lëvizjes 5 yjet. Nën Dragin, lidhjet mes dy vendeve u rikthyen plotësisht dhe ai e Makron janë të predispozuar të veprojnë për të marrë në dorë frenat e përcaktimit të politikave evropiane pas vitesh përplasjesh të ashpra mes dy vendeve. Macron do një lidhje me të fortë me italinë dhe italia do ta fusë veten në marrëdhënien tradicionale mes francës dhe gjermanisë – thonë zyrtarët. Qëllimi i italisë, sipas tyre është që marrëveshja të marrë emrin e pallatit presidencial italian, Quirinale, ku edhe do të nënshkruhet.