Agjensia Evropiane e Ruajtjes së Kufijve “FRONTEX” tha të mërkurën se prurjet migratore në kufijtë e jashtëm tëBashkimit Evropian gjatë 11 muajve të këtij viti njohën një rritje të ndjeshme përfshirë edhe të ashtuquajturën “Rruga e Ballkanit Perëndimor”ku bën pjesë edhe Shqipëria. Sipas raportit të Frontex në nëntor prurjet migratore në kufijtë e jashtëm të BE-së ishin më të mëdhatë që nga viti 2015. “Numri i kalimeve të paligjshme në kufijtë e jashtëm të BE-së në njëmbëdhjetë muajt e parë të vitit 2021 ishte 184.180 persona, 60% më shumë në krahasim me vitin e kaluar që ishte një vit me kufizimet e COVID-19dhe45% më shumë se në vitin 2019”,vlerëson Raporti i FRONTEX-it. Sipas FRONTEX kombësitë kryesore të migrantëve të parregullt në vitin 2021 përfshinin shtetas të Irakut, Afganistanit dhe Sirisë. Raporti i FRONTEX vlerëson se këtë vitka pasur rreth 55,310 persona të ndaluar gjatëkalimeve të paligjshme kufitare drejt Bashkimin Europian përmes së ashtuquajturës “Rrugë e Ballkanit Perëndimor”.