Ukraina përdor dronët turq në zonën e konfliktit në rajonin e Donbashit dhe për këtë presidenti rus, Vladimir Putin u ankua tek homologu i tij tur, Recep Tayip Erdogan. Marrëdhëniet mes rusisë dhe ukrainës janë në qendër të vëmendjes ndërsa Kievi thotë se rusia ka mbledhur me mijëra trupa afër kufirit me ukrainën dhe mund të jetë duke nisur një ofensivë uishtarake. Moska mohon planin për një operacion sulmues. Në një bisedë telefonike, Putin i tha Erdogan se forcat ukrainase po kryejnë aktivitete provokuese dhe po përdorin dronët turq Bajraktar në zonën e konfliktit në një përpjekje të mëtejshme për të dëmtuar akordet e paqes së Minskut – tha Kremlini. Zyrtarët turq thanë ndërkohë se Ukraina ishte një nga temat e diskutuara nga Erdogan dhe Putin, por nuk dhanë më shumë detaje. Ukraina ka blerë dhe dislokuar dronët turq në luftën kundër forcave të mbështetura nga rusia në rajonin lindor të donbashit duke zemëruar rusinë. Ministri i jashtëm turk, Mevlut Caushoglu tha se Turqia nuk duhet fajësuar për dislokimin në ukrainë të dronëve të prodhuar në këtë vend. Në tetor, rusia akuzoi ukrainën se po destabilizonte situatën pasi forcat qeveritare përdorën dronët Barjarktar për të goditur pozicionet e kontrolluara nga separatistët e mbështetur nga Rusia.