Një anije turke kërkimi ka zbuluar një rezervë të madhe gazi natyror në detin e zi. Presidenti turk, recep Tayip Erdogan i tha gazetarëve se anija Fatih, që ka operuar në detin e zi që prej korrikut, ka gjetur një rezervë të jashtëzakonshme gazi. Ai tha se kjo ishte gjetja më e madhe e gazit natyror nga ana e Turqisë, deri më sot. Nëse turqia mund të nxjerrë gaz ajo do të mund të zbusë varësinë tek energjia e importuar. Presidenti Erdogan tha se të gjitha testet dhe puna inxhinierike ka përfunduar. Ai shtoi: Kjo rezervë është aktualisht pjesë e një burimi shumë më të madh. Me vullnetin e zotit, akoma më shumë do të vijë. Ne nuk do të ndalojmë deri sa të bëhemi një eksportues i energjisë”. Presidenti Erdogan tha se ai shpresonte të fillonte nxjerrjen e gazit deri në 2023. Por ekspertët e energjisë thonë se do të duhet deri në një dekadë dhe miliarda dollarë investime për ta futur gazin në përdorim komercial. Turqia po ashtu ka dërguar një anije kërkimore në mesdheun lindor duke zemëruar jo pak greqinë. Oruc Reis doli nga porti më 10 gusht, shoqëruar nga pesë anije të marinës. Një ditë më pas u raportua se ajo po lundronte në ujërat mes kretës dhe qipros. Kjo ka zemëruar grekët që nuk pajtohen me turqinë në lidhje me atë që zotëron të drejtat në disa zona të mesdheut lindor. Të premten, presidenti Erdogan tha se ai kishte si qëllim të përshpejtonte operacionet në mesdhe. Pamje: AFP