Pamje dhe foto të arkivuara, të zbuluara rishtazi zbulojnë detaje të reja rreth marrëdhënies mes Donald Trump me Jeffrey Epstein. Fotografitë nga viti 1993 konfirmojnë për herë të parë se Epstein mori pjesë në dasmën e Trump me Marla Maples në vitin 1993. Pjesëmarrja e Epstein në ceremoninë në Hotel Plaza nuk ishte e njohur deri më tani. Përveç kësaj, pamjet nga një event mode i Victoria's Secret në vitin 1999 në Neë York tregojnë Trump dhe Epstein duke qeshur dhe biseduar së bashku përpara eventit. CNN zbuloi pamjet e reja gjatë një rishikimi të arkivës së Trumpit në vitet 1990 dhe 2000. Trump dhe Epstein u shfaqën së bashku në të paktën një video. Pamjet datojnë para ndonjë problemeve të njohura ligjore të Epstein, dhe vijnë në mesin e presionit të rinovuar për hetimin e marrëdhënies mes Trump me Epstein. Vendimi i fundit i Departamentit të Drejtësisë për të mos publikuar dosjet e premtuara prej kohësh në lidhje me Epstein ka shkaktuar zemërim në disa pjesë të lëvizjes MAGA të Trump, ku njerëzit kishin pritshmëri për zbulime bombastike mbi bashkëpunëtorët e dyshuar të Epstein. Në një telefonatë të shkurtër me CNN të martën, Presidenti Trump, i pyetur për fotot e dasmës, u përgjigj: "Duhet të jeni duke bërë shaka me mua", përpara se ta quante më pas CNN si fabrikues "lajmesh të rreme" dhe ta mbyllte telefonin. Akuzat se Epstein abuzoi seksualisht me vajza të mitura u shfaqën për herë të parë në vitin 2005, duke çuar në arrestimin e tij një vit më vonë. Ai u arrestua përsëri në vitin 2019 me akuza federale për trafikim seksual dhe më vonë vdiq në burg, duke nxitur teori të shumta konspiracioni. Mjeku ligjor e përcaktoi vdekjen e tij si vetëvrasje.