Elon Musk duket se është shumë pranë rrëmbimit të titullit “njeriu më i pasur i Botës”, nga presidenti i amazon, Jeff Bezos. Sipas Bloomberg, tani ka dy multi-miliarderë, me një diferencë prej vetëm 3 miliardë dollarësh nga njëri tjetri. Bezos llogaritet se ka një pasuri prej 184 miliardë dollarësh, dhe Musk, 181miliardë dollarë. Bill Gates është tani me distancë, i treti, me 132 miliardë dollarë pasuri. Hendeku mes Musk dhe Bezzos, sipas Bloomberg, është ngushtuar pasi ky i fundit humbi 4.3 miliardë dollarë në aksionet e amazon të mërkurën, duke rënë në 183.4 miliardë, nën shqetësimet se kontrolli demokrat i senatit do të përbënte më shumë mbikqyrje të të mëdhenjve të teknologjisë. Ndërsa në anën tjetër, tesla shënoi një ngritje tjetër duke e shtuar pasurinë e Musk me 4.1 miliardë dollarë. Musk ndërkohë është edhe aksioneri kryesor i SpaceX.