Një medalje e artë për Elon Musk dhe medalje e argjenttë për Jeff Bezos. Kjo është ajo që shefi i Teslas ka postuar në tëitter, nën një postim në të cilin shkruhej: Sot, amazon është një nga kompanitë më të suksesshme në botë dhe ka revolucionarizuar dy industri krejtësisht të ndryshme....Një pohim ndaj të cilit Musk nuk ka asgjë kundër por reagon me emoji duke lënë të kuptohet se gjithë ky revolucion nuk ka mundur ta cojë Bezzosin në vendin e parë në listën e më të pasurve të botës. Tani, është Elon Musk ai që rezulton të jetë njeriu më i pasur në botë, me një pasuri prej 222 miliardë dollarësh. E thelbësore në këtë kurorëzim të Musk si më i pasuri i më të pasurve, janë aksionet e Teslas, dhe vlerësimet e reja të tregut që i japin kompanisë të tij Space X një vlerë më të madhe se 100 miliardë dollarë. Kjo shifër nuk është shumë larg vlerës së amazon, që ndalet në një shifër prej 191.7 miliardë dopllarësh. Pra, bëhet fjalë për pak miliardë dollarë dallim, që mjaftojnë që Elon Musk të shfryhet në rrjetet sociale. Sidoqoftë, aksionet e Teslas janë rritur me mbi 720 për qind vetëm në 2020-ën, e për sa kohë që kompania është mirë, edhe shefi i saj është mirë. Mbi të gjitha kur pas tij është një konkurent i denjë, jo vetëm për pushtimin e tregut botëror por edhe për atë hapësinor ku lufta është mes SpaceX të Musk dhe Blue Origin të Bezos. Ndaj edhe Musk vendos medaljen e argjentit nën postimin e Bezosit dhe postimi është bërë viral.