I fiksuari pas hapësirës, bosi i Teslas, Elon Musk, ka lënë pas rivalin e tij Jeff Bezos për tu bërë njeriu më i pasur i botës. Musk, që nisi ta ngrinte perandorinë e tij me PayPal, tani vlen 219 miliardë dollarë, sipas listës më të fundit të miliarderëve të revistës Forbes. Kjo është hera e parë që sipërmarrësi nga afrika e jugut, 50 vjec, që ëndërron të kolonizojë planetet e tjera përmes programit SpaceX, kryeson listën e super të pasurve të botës. Themeluesi i Amazon, Jeff Bezos, 58 vjec, personi më i pasur në botë për katër vitet e shkuara, është tani në vendin e dytë. Ai vlen sërish 171 miliardë dollarë dhe ka shkuar edhe në hapësirë vitin e shkuar me raketën e tij Blue Origin. Përmbysja vjen në të njëjtën javë në të cilën Musk bleu nëntë për qind të aksioneve të Tëitterit, me vlerë më shumë se 2 miliardë paundë. Dy ditë më parë, ai iu bashkua bordit të platformës sociale. Ylli i popit dhe manjatja e kozmetikës, Rihana, i është bashkuar po ahstu radhëve të mega-të pasurve, duke u bërë miliarderja e parë e barbadosit. Ajo është vetëm një nga 327 gratë që janë përfshirë në klasifikimin e përvitshëm të Forbes, me një total prej 2668 miliarderë, 87 më pak krahasuar me një vit më parë. Regjisori i Zoti i Unazave, Peter Jackson, është një i ardhur rishtazi në listë. Por lufta, pandemia dhe tregjet e luhatura kanë goditur shumë edhe të pasurit. Sipas forbes, tregjet e pastabilizuara kanë ndihmuar në thellimin e rënies së pasurisë për shumë nga të pasurit e botës. Sidoqoftë, thotë Forbes, më shumë se 1 mijë miliarderë janë sot shumë më të pasur se c’ishin një vit më parë. Vetëm 20 më të pasurit vlejnë 2 trilionë dollarë së bashku.