Prokuroria e Durrësit ka kërkuar burgim të përjetshëm për Hysen Metën, i akuzuar për vrasjen e babait të tij Pëllumb Meta, në Shënavlash në shkurt të vitit 2024. Krahas dënimit me burgim të përjetshëm për Hysen Metën, prokuroria ka kërkuar 30 vite burg për vajzën e viktimës Hygerta Meta, 5 vite për djalin tjetër Amarildo Meta dhe 3 vite për bashkëshorten e tij Blerina Meta, të cilët akuzohen për bashkëpunim në fshehjen e krimit. Sipas akuzës, Hysen Meta në bashkëpunim me motrën e tij Hygerta, planifikuan dhe ekzekutuan vrasjen e të atit në banesë, duke e qëlluar me armë zjarri. Ngjarja e rëndë u shënua më 10 shkurt të një viti më parë, ku pas krimit fëmijët kanë groposur trupin në kasollen e bagëtive, ndërsa më pas raportuan në polici zhdukjen e tij. Të dy të pandehurit më pas kanë kryer veprime për të zhdukur gjurmët e vrasjes, largimin automjetit të babait të tyre nga banesa, zhdukjen e sendeve personale të viktimës si dhe armës së krimit. Gjatë gjykimit ka qenë Hygerta Meta, e cila ka deklaruar se babain e ka vrarë vëllai i saj Hysen Meta në prani të saj.