Shtetasi portugez Ruben Saraiva, i akuzuar për vrasjen e biznesmenit Ardian Nikulaj në prill të vitit 2023 në Shëngjin, është përballur këtë të hënë në gjykatë me nënën e Edmond Haxhisë, personit që dyshohet se ka shitur motorin e përdorur në atentat, si dhe me një të afërme të tij. Të dyja kanë në seancën gjyqësore që ka zgjatrur më shumë se një orë e cila u shty. Prania e Saraivës në sallën e gjyqit është shoqëruar me masa të forta sigurie, ku janë angazhuar drejtoria e burgjeve dhe policia e Lezhës. Aktualisht, ai është i vetmi që po gjykohet për ekzekutimin e Nikulajt, pasi bashkëpunëtorët e tjerë vijojnë të mbeten në Britaninë e Madhe në pritje të ekstradimit. Saraiva u arrestua në Marok, ku ishte fshehur pas atentatit, dhe më 31 dhjetor 2023 u ekstradua drejt Shqipërisë, pas pranimit të kërkesës nga autoritetet shqiptare. Ai përballet me akuzat për “vrasje për gjakmarrje” dhe “prodhim e mbajtje pa leje të armëve”.