Eksportet e armëve të Gjermanisë shënuan një rekord të ri këtë vit, kjo kryesisht falë faktit se qeveria në largim miratoi marrëveshje me vlerë miliarda euro në momentet e fundit, megjithëse në atë kohë ishte vetëm qeveri8 në detyrë. Marrëveshjet u nënshkruan nën ish-kancelaren Angela Merkel, por edhe me miratimin e kancelarit të tanishëm ose zëvendëskancelarit të atëhershëm, Scholz. Ish-qeveria ka miratuar marrëveshje me vlerë rreth 5 miliardë euro (5.6 miliardë dollarë) nëntë ditët e fundit të mandatit të saj. Kjo bëri që eksportet totale të armëve të Gjermanisë të arrinin në një shifër rekord prej 9.04 miliardë eurosh për gjithë 2021, sipas ministrisë së ekonomisë. Egjipti është blerësi kryesor i armëve gjermane, pavarësisht kritikave për shkeljet e të drejtave të njeriut dhe përfshirjen e tij në konfliktet në Jemen dhe Libi.