Kanadaja ka mbrojtur vendimin e saj për të marrë vaksina anti-covid nga nisma Covax, që mbledh fonde nga vendet e pasura për të ndihmuar në blerjen e vaksinave për vete dhe vendet me të ardhura të ulëta. Skema ka hartuar tashmë planin për shpërndarjen e më shumë se 330 milionë dozave të vaksinës në gjysmën e parë të 2021. Kanadaja, është e vetmja anëtare e grupit të G&-ës të vendeve të pasura, që është përfshirë në listën e Covax si përfituese. Vende të tjera të pasura, si Zelanda e re dhe Singapori, kanë kërkuar po ashtu doza nga kjo skemë. Sidoqoftë, pjesa më e madhe e dozave të Covax do ti shpërndahet vendeve me të ardhura të ulëta dhe mesatare, pjesa më e madhe e të cilëve nuk e ka filluar ende vaksinimin. Ndërkohë, Kanadaja ka vaksinuar 2.29 për qind të popullatës me dozën e parë, përfshirë 48 për qind të punonjësve të shëndetësisë. Përvec Covaxit, marrëveshje për 398 milionë doza vaksine janë nënshkruar nga qeveria kanadeze, më shumë se të mjaftueshme për të mbuluar popullatën e vendit prej 37 milionë banorësh. Bazuar në planin e Covax, kanadaja do të marrë 1.9 milionë doza fillestare të vaksinës së AstraZeneca-s pasi pagoi shtatorin e shkuar 440 milionë dollarë.