Kongresi amerikan ka certifikuar fitoren e Joe Biden në zgjedhjet presidenciale, orë pasi mbështetësit e Trump sulmuan ndërtesën në një sulm në të cilin humbën jetën edhe katër persona. Ligjvënësit e rifilluan sesionin pasi policia mundi të largonte protestuesit, që sipas mediave amerikane ishin inkurajuar nga presidenti Donald Trump, në përpjekje për të përmbysur disfatën e tij. Certifikimi hap rrugën që Biden të bëjë betimin më 20 janar. Si përgjigje, Trump më në fund premtoi një tranzicion të qetë të pushtetit. Në një deklaratë të shpërndarë nga Dan Scavino, drejtor për mediat sociale, presidenti Trump the se kjo do të ndodhë “ndonëse nuk pajtohet me rezultatin”. Llogaria e presidentit Trump në Tëitter ëshët bllokuar ndërkohë që edhe facebook dhe instagram do të bllokojnë llogaritë e tij deri pas transferimit të pushtetit. Vetë mark zuckenberg madje nuk e ka përjashtuar mundësinë që llogaritë e trump të mbyllen përgjithnjë.