Një skenë e jashtëzakonshme vjen nga Tajlanda. Një bebe elefant, vetëm një vjeccar, që po ndiqte të ëmën në një tufë të madhe, ishte goditur nga një automjet në mes të natës, ndërsa kalonte rrugën e errët në një zonë rurale në një provincë lindore të tajlandës. Vetë shoferi i automjetit qëndron si i ngrirë ndërsa elefanti bebe, është i shtrirë në asfalt, pa ndjenja. Një punonjës i skuadrës së emergjencës, nuk humbet kohë dhe i bën këlyshit masazh kardiak, për plot 15 minuta. Dhe ia del mbanë. Elefanti i vogël, e merr veten. I trullosur dhe hutuar, elefanti u ngjit mbi një kamion për një kontroll të fundit, para se të lihej i lirë që ti bashkohej të ëmës dhe tufës që po priste diku pranë.Vullnetari që filmoi gjithë ngjarjen, e që dëgjohet të thërrasë disa herë “zgjohu vogëlushe”, thotë: Ky ishte ndoshta rasti i parë dhe i vetëm i një operacioni CPR të suksesshëm mbi një elefant, në historinë e tajlandës.