Benjamin Netanyahu evitoi hapësirën ajrore evropiane ndërsa fluturoi për në Nju Jork për të shmangur një arrestim të mundshëm për akuzat e ngritura ndaj tij pë krime të dyshuara lufte. Aeroplani i kryeministrit izraelit – “Krahët e Sionit” – anashkaloi shumicën e vendeve evropiane ndërsa udhëtonte për t’iu drejtuar Asamblesë së Përgjithshme të Kombeve të Bashkuara të enjten.Rruga e pazakontë dukej e projektuar për të shmangur fluturimin mbi vendet që janë anëtare të Gjykatës Ndërkombëtare Penale (GJNP) ose që kanë thënë se do të zbatojnë urdhrin e gjykatës. Vende që mund ta detyronin aeroplanin të ulej dhe më pas të arrestonin Netanyahun. Aeroplani i tij fluturoi mbi skajet jugore të Greqisë dhe Italisë, Detin Mesdhe dhe pastaj mbi Oqeanin Atlantik nëpërmjet Ngushticës së Gjibraltarit pa kaluar ndonjë territor tjetër të huaj. Zakonisht, fluturimet nga Izraeli për në SHBA përshkojnë një itinerar më të shkurtër mbi Evropën qendrore, duke kaluar nëpër Francë. Analistët e aviacionit argumentuan se rruga është e pazakontë sepse i shton fluturimit rreth 600 km. Gjykata Penale Ndërkombëtare lëshoi ​​urdhër-arreste në nëntor 2024 për Netanyahun dhe Yoav Gallant , ish-ministrin e tij të mbrojtjes, me akuza për krime lufte dhe krime kundër njerëzimit në Gaza, akuza të cilat Izraeli i mohon. Disa anëtarë të GJPN-së, siç është Irlanda, kanë thënë se do ta arrestojnë atë. Spanja është zotuar të ndihmojë hetimin e GJPN-së, ndërsa Franca ka thënë se nuk do ta arrestojë zotin Netanyahu. Të tjerë, si Italia, vënë në pikëpyetje nëse arrestimi i tij është praktik apo i ligjshëm.