Debati i parë televiziv mes Donald Trump dhe Kamala Harrisit, parashikuar për më 10 shtator mund të dështojë dhe shkak mund të jenë kërkesat e ndryshme teknike të palëve. Stafi i Donald Trump ka kërkuar që debati të mbahet me të njëtjat rregulla me të cilat u zhvillua debate mes Trump dhe Joe Biden në qershor, para se ky i fundit të njoftonte tërheqjen nga gara. Mes këtyre rregullave ishte edhe fikja e mikrofonit për njërin kandidat në momentin që është duke folur kandidati tjetër. Ky rregull në qershor u kërkua me ngulm nga stafi i Joe Biden, ndërsa stafi i Donald Trump e pranoi. Por, stafi elektoral i Kamala Harris nuk është dakord. Ata propozojnë që mikrofonët e dy kandidatëve të qëndrojnë gjatë të gjithë kohës së transmetimit ndezur dhe secili prej tyre të ketë mundësi të ndërhyjë gjatë fjalës së tjetrit. Veç kësaj, ekipi i Donald Trump ka vënë në mëdyshje edhe paanshmërinë e televizionit ABC Neës, ku është parashikuar të mbahet debati i dytë, pas atij të parit të zhvilluar dhe transmetuar nga CNN në qershor.