Gazetari kosovar Visar Durici është sulmuar nga disa persona të panjohur dhe është dashur që të dërgohet në spital për shkak të lëndimeve të forta që ka marrë. Vetë reporteri pohoi për Zërin e Amerikës se është goditur në momentin që po i afrohej banesës së tij. “ Pasi parkova makinën, eca për rreth 15 metra në errësirë, por kur iu afrova shtëpisë sime, një person më doi papritur përpara e më qëlloi. Pas tij, dolën dhe dy të tjerë e më sulmuan të gjitha bashkë”, ka rrëfyer ai. policia foli për tre persona të maskuar, mbi identitetin e të cilëve apo motivet e sulmit, nuk ka ende dijeni. As gazetari vetë nuk e ka idenë se kush mund ta ketë kryer apo porositur sulmin ndaj tij. Mësohet se Duricit ka pësuar thyerje të hundës dhe katër dhëmbëve. Asociacioni i Gazetarëve të Kosovës i bëri thirrje organeve të drejtësisë që ta zbardhin sa më shpejt rastin që dëmton sipas tij në themel lirinë e shprehjes dhe të medias”. Kryetarja e këtij asociacioni, Gentiana Begolli, tha për VOA se ky është sulmi i dytë ndaj gazetarëve përgjatë 2021-shit, ndërsa numri po rritet nga viti në vit.