Top News – Dy shpërthime trondisin veriun e Kosovës / Ngjarja në mesnatë, nuk raportohen të lënduar

Dy shpërthime të fuqishme janë dëgjuar pas mesnatës në veri të Kosovës, ndërsa autoritetet fatmirësisht nuk raportojnë të lënduar. Zëvendësdrejtori rajonal për veriun, Veton Elshani tha për KosovaPress, se njëri nga shpërthimet ka ndodhur në Mitrovicë të Veriut, ndërsa shpërthimi tjetër në rrethinat e komunës së Zveçanit. “Mund të jenë shok bomba ose fishekzjarre. Nuk ka raportime për dëme apo të lënduar”, tha ai. Elshani shtoi se megjithatë, situata në Mitrovicën e Veriut dhe në komunat e tjera në veri ka qenë e qetë gjatë natës dhe se vazhdon të jetë e till.