Presidenti amerikan, Joe Biden, zgjodhi dy gra për të udhëhequr komandën ushtarake të Shteteve të Bashkuara, që janë ndër të paktat që mbajnë pozicione kaq të larta ushtarake. Jacqueline Van Ovost, gjenerale e forcës ajrore amerikane, është gruaja e vetme që arrin shkallën me katër yje, më e larta në ushtri, dhe u nominua në krye të komandës së transportit. Ndërsa, gjeneralja Laura Richardson, ëhstë zgjedhur të udhëheqë komandën jugore që mbulon amerikën qendrore dhe atë latine. Nëse senati i konfirmon nominimet e tyre, ato do të ndjekin Lori Robinson, që ishte e para gru që mori një komandë ushtarake. Ajo udhëhoqi komandën veriore para daljes në pension në 2018. Secila nga këto gra ka pas karriera të shkëlqyera dhe i kanë shërbyer me integritet dhe përkushtim vendit. Ushtria amerikane ka 11 komanda, të gjitha të udhëhequra nga gjeneralë me katër yje. Muajin e shkuar, The Neë York Times raportoi se Pentagoni kishte vendosur për nominimin e tyre që vitin e kaluar. Por, njoftimi ishte shtyrë deri pas zgjedhjeve të nëntorit pasi sekretari i atëhershëm i mbrojtjes, Mark Esper, druante se presidenti i atëhershëm nuk do të miratonte përzgjedhjen për shkak të gjinisë së tyre.